Vajzat e KV Gjinocit kanë shënuar një fitore të rëndësishme ndaj KV AAB Prishtina, duke triumfuar me rezultat 3:2 në një ndeshje të luftuar deri në pikën e fundit.
Takimi u karakterizua nga emocione të shumta, rivalitet sportiv dhe angazhim i madh i të dyja skuadrave, ndërsa volejbollistet e Gjinocit dëshmuan karakter, përkushtim dhe shpirt të fortë ekipor për të siguruar fitoren.
Ky triumf është rezultat i punës së vazhdueshme, disiplinës dhe përkushtimit të lojtareve, si dhe dëshmi e përkushtimit të klubit për të arritur rezultate sa më të mira në garat sportive.
Nga KV Gjinoci kanë shprehur mirënjohje të veçantë për sponsorin gjeneral EUROING, për mbështetjen e vazhdueshme dhe besimin e treguar ndaj klubit.
Fitorja 3:2 ndaj AAB Prishtinës përbën një tjetër sukses të rëndësishëm për vajzat e KV Gjinocit.
