Sportistja Selina Gashi ka arritur një sukses të rëndësishëm në sportin kosovar, duke zënë vendin e parë në Kampionatin e Kosovës në Duathlon për seniorë.
Ky rezultat përbën një arritje të veçantë për Selina Gashin, e cila përmes përkushtimit dhe angazhimit të vazhdueshëm ka arritur të ngjitet në shkallën më të lartë të podiumit në këtë kampionat.
Pas këtij suksesi, Gashi ka shprehur kënaqësinë për rezultatin e arritur, duke falënderuar të gjithë ata që e kanë mbështetur gjatë rrugëtimit të saj sportiv.
Një falënderim i veçantë i është drejtuar trajnerit të saj, Labinot Gashi, për mbështetjen dhe përkrahjen e vazhdueshme gjatë përgatitjeve dhe garave.
Fitorja e vendit të parë në Kampionatin e Kosovës në Duathlon për seniorë shënon një moment të rëndësishëm në rrugëtimin sportiv të Selina Gashit, duke i hapur rrugë synimeve dhe sfidave të reja në të ardhmen.
Urime Selina Gashit për këtë sukses, me dëshirën që të vazhdojë me rezultate të larta dhe përfaqësim sa më të mirë në garat e ardhshme!
