Maturantët e drejtimit profesional për instalues elektrikë kanë filluar praktikën profesionale në kompani, pas përfundimit të mësimit teorik dhe zhvillimit të praktikës shkollore gjatë klasave X dhe XI.
Gjatë kësaj faze, nxënësit kanë mundësi të njihen nga afër me punën e instaluesve elektrikë, të përcjellin procesin e realizimit të punimeve dhe të zbatojnë në praktikë njohuritë e fituara gjatë shkollimit.
Praktika në kompani u mundëson maturantëve të fitojnë përvojë konkrete pune, të zhvillojnë shkathtësitë profesionale dhe të përgatiten më mirë për tregun e punës.
Në këtë proces të rëndësishëm të aftësimit profesional, shkolla ka falënderuar kompanitë ELEKTRO MODUL dhe EdiBau-Ing për bashkëpunimin dhe mundësinë e ofruar për nxënësit, si dhe profesorin Visar Berisha për angazhimin dhe kontributin e tij në këtë proces.
Bashkëpunimi ndërmjet shkollës dhe bizneseve vlerësohet si një hap i rëndësishëm në lidhjen e arsimit profesional me kërkesat e tregut të punës.
Nga njohuritë teorike te përvoja praktike – një hap më afër profesionit të së ardhmes!
