Ballkani ka konfirmuar rinovimin e kontratës për trajnerin Ilir Daja edhe për dy vitet në vazhdim.
Daja padyshim ishte ndër më meritorët për suksesin e Ballkanit, që ndihmoi të prekin fazën e grupeve të Ligës së Konferencës, që nuk ishte arritur asnjëherë më parë nga asnjë skuadër kosovare.
Postimi i plotë pa ndërhyrje:
Ne ia kemi besuar dirigjencën e “simfonisë” tonë.
Ai me “orkestren”e tij, kompozoi perla të pavdekshme, të cilat tashmë janë gdhendur në partiturat e historisë.
Ne i kemi besuar të na prijë betejave.
Ai me “kalorësit” e tij, ngriti fronin e lavdisë!
Andaj ai padyshim që mbetet njëri prej nesh 
Zonja dhe zotrinjë, tifozë të kampionit të Kosovës, me kënaqësinë më të madhe ju njoftojmë se me maestron e fushës së blertë, me profesorin e nderuar, Ilir Daja, kemi vazhduar deri në vitin 2026.
Bashkë kemi nisur t’u shkruajmë faqet e historisë së futbollit tonë, bashkë do t’i vazhdojmë!
Na priftë e mbara!
