Gratë e Suharekës kanë dëshmuar se përfaqësimi i tyre në institucionet komunale nuk është vetëm një numër, por një vlerë e veçantë për gjithë shoqërinë.
Në vitet e fundit, nga pozita e Nënkryetares së Komunës e deri te drejtimi i sektorëve më të ndjeshëm si shëndetësia, kultura, administrata, inspekcioni dhe fusha të tjera institucionale, ato kanë sjellë kujdes, humanitet dhe vizion të qartë për zhvillimin e komunës.
Ky përfaqësim cilësohet si një arritje historike për Suharekën, pasi një përfshirje e tillë e grave në nivelet vendimmarrëse ka ndodhur për herë të parë.
