Në ditën e rënies dhe në vendin ku ata u flijuan për lirinë e Kosovës, sot në 25 vjetorin e rënies, janë përkujtuar dy dëshmorët nga fshati Livoqi i Eperm i Komunës së Gjilanit.
Dëshmorët Shyqeri Z.Ajvazi dhe Mehmetali J Ajvazi, kusherinjë në mes vete, më 16 prill 1999 teksa po bartnin të plagosurit janë vrarë nga forcat policore dhe paramilitare sërbe skaj magjistralës Duhël – Suharekë, pikrisht afër vreshtave. Në këtë vend sot janë përkujtuar nga familjarët , miqtë dhe të afërmit.
Në këtë përkujtim ishte i pranishëm edhe kryesuesi i Kuvendit Komunal z.Bexhet B.Kuqi, kryetar i Organizatës së Familjeve të Dëshmorëve të UÇK-së Xhavit Jashari dhe bashkëluftëtar të dëshmorëve.
Të pranishmit kanë vendosur buqeta me lule dhe kanë bërë homazhe, si dhe kanë fol për heroizmin e treguar të dëshmorëve gjatë betejave të lavdishme.
