Në mbështetje të Memorandumit të Mirëkuptimit mes Ministrisë së Arsimit dhe Sportit të Republikës së Shqipërisë dhe Ministrisë së Arsimit, Shkencës, Teknologjisë dhe Inovacionit të Republikës së Kosovës dhe vendimit të përbashkët për realizimin e Olimpiadës së përbashkët të gjuhës shqipe për klasën e 9-të, për vitin shkollor 2024-2025 ( Kosovë – Shqipëri), sot në komunën Suharekës u realizua testi i Olimpiadës së përbashkët të gjuhës shqipe për klasën e 9-të” faza e parë, në të gjitha shkollat fillore të mesme të ults ku gjithsejt 413 nxënës janë përfshirë në test.
Lidhur me këtë aktivitet nga DKA janë formuar komisione për hartimin e dhe vlerësimin e testeve dhe besojmë në realizimin me suksese të kësaj olimpiade edhe në fazat në vijim.Nxënësit fitues nga kjo garë do të jenë pjesë e garës në nivel komune dhe më pas fituesit e garës komunale përfaqësojnë komunën tonë në garat Republikane ku të zgjedhurit nga gara republikane do të përfaqësojnë Republikën e Kosovës në garat mes dy shteteve Kosovë-Shqipëri.
Drejtori i DKA-se- Suharekë, Remzi Bajselmani shprehet se kjo garë është një mundësi për të treguar njohuritë nënësit tanë dhe u dëshiron suksese. Ky urim është inkurajim dhe mbështetje për nxënësit për të dhënë më të mirën e tyre në garë.
