Me organizimin e kryesisë së fshatit Vraniq, u përkujtuan 7 dëshmorët e rënë në këtë fshat, si dhe të gjithë martirët e tij.
Në fjalën e tij, kryetari i fshatit Vraniq, Tahir Kolgeci, kujtoi dëshmorët dhe martirët e luftës së fundit në Kosovë, duke i përmendur ata për kontributin e dhënë për çlirimin dhe lirinë e vendit.
Po ashtu, në fjalën e rastit, kryetari i Komunës, z. Bali Muharremaj, theksoi se: “Sakrifica dhe flijimi i tyre janë gurthemeli i shtetit të Kosovës. Lavdi dëshmorëve, lavdi martirëve të fshatit Vraniq!”
Ky manifestim u përcoll edhe me një program artistik, i organizuar nga shkolla e këtij fshati.
