Policia e Kosovës ka apeluar shoferët për kujdes të shtuar në trafik, raporton Gazeta Sinjali.
Nëpërmjet një postimi në faqen zyrtare në Facebook, Policia ka thënë se pas reshjeve të dendura të borës, qarkullimi nëpër rrugë është vështirësuar.
“Policia qysh para dy jave ka kërkuar që drejtuesit e automjeteve të kenë pajisje dimërore në veturat e tyre. Tani, duke qenë se bora e parë ka filluar të bije, në rrugë ka borë e gjatë natës për shkak të temperaturave të ulëta mund të ketë edhe akull, kërkohet kujdes i shtuar nga të gjithë pjesëmarrësit në trafik me theks të veçantë drejtuesit e automjeteve”, thuhet në njoftim.
