Në sheshin e qytetit të Suharekës është mbajtur sot aktiviteti i radhës i Karvanit Shëndetësor, në kuadër të projektit “Kujdesi shëndetësor i qasshëm dhe cilësor”, i cili zbatohet nga Syri i Vizionit dhe mbështetet nga AQH.
Ky aktivitet kishte për qëllim edukimin dhe vetëdijesimin e qytetarëve rreth kujdesit për shëndetin, ushqyerjes së shëndetshme dhe stilit aktiv të jetesës.
Gjatë ditës, qytetarëve u janë ofruar:
- Matje falas të tensionit dhe sheqerit në gjak
- Këshilla për ushqyerje të shëndetshme
- Informacione mbi dëmet dhe pasojat që shkakton konsumimi i duhanit
Organizatorët kanë falënderuar të gjitha institucionet dhe vullnetarët për bashkëpunimin dhe angazhimin e tyre në shërbim të shëndetit publik.
Në fund, u përcoll një mesazh i rëndësishëm për qytetarët:
“Kujdesuni për veten, ushqeheni shëndetshëm dhe mbani një stil jete aktiv, sepse shëndeti është pasuria më e madhe që kemi.”
