Në një kohë kur angazhimi dhe liderët lokalë shpeshherë vlerësohen për ndikimin dhe lidhjen e tyre me komunitetin, Kryetari i Komunës së Suharekës, Bali Muharremaj, dallohet si një ndër liderët më të preferuar në skenën politike kosovare.
Sipas matjeve të Institutit të Hulumtimeve dhe Inkurajimit të Kulturës (IHIK) në Kosovë, Bali Muharremaj ka arritur të vendoset në top 3 të kryetarëve më të preferuar.IHIK ende nuk ka bërë publike renditjen përfundimtare të kryetarëve, por sipas burimeve, Bali Muharremaj është në krye të kësaj liste, ndjekur nga Gazmend Muhaxheraj në Pejë dhe Imri Ahmeti në Lipjan.
Çfarë e bën Bali Muharremaj të shquhet dhe të jetë në radhën e lartë të preferencave?Një nga atributet kyçe të Bali Muharremaj është afërsia e tij me secilën shtresë të shoqërisë në Suharekë.
Kjo karakteristikë ka shpërfaqur një qasje të theksuar ndaj nevojave dhe shqetësimeve të banorëve të komunës së tij. Përmes takimeve të rregullta me qytetarët dhe përfshirjes aktive në ngjarjet komunitare, ai ka krijuar një lidhje të ngushtë me qytetarët.Gjithashtu, Bali Muharremaj ka shquar për angazhimin e tij në zhvillimin e projekteve lokale që kanë impakt të drejtpërdrejtë në jetën e banorëve.
Në fushën e infrastrukturës, shëndetësisë dhe arsimit, ai ka ndërmarrë hapa konkrete për përmirësimin e kushteve jetësore në Suharekë.
