Radio Vala 98.3 FM

045/049/235300

Adresa

Rr.Avni Rrustemi Shirokë Suharekë

Pesë të arrestuar pas ceremonisë në Dubravë, Kabashit iu konfiskua një armë

Kronikë e zezë  |  E Enjte - 23 Maj, 2019  |  573 Lexime

Policia e Kosovës përmes një komunikate për media ka bërë të ditur se pesë persona janë arrestuar pas ceremonisë përkujtimore të Masakrës së Dubravës.

Njëri nga të arrestuarit ishte edhe i mbijetuari i kësaj masakre, Shefqet Kabashi, të cilit i është sekuestruar një armë zjarri, transmeton Koha.net.

 

“Policia e Kosovës sot me datë 22.05.19 me rastin e 20 vjetorit të përkujtimit të masakrës në Burgun e Dubravës, konkretisht Stacioni Policor Istog ka zbatuar një Plan Operativ për siguri në perimetrin e jashtëm tek Qendra Korrektuese në Dubravë. Në momentin e fillimit të ceremonisë rreth orës 13:30 brenda perimetrit të burgut, përderisa moderatorja ishte duke i prezantuar mysafirët pjesëmarrës, shtetasi Sh. K. (m./K./sh.) ka prishur rendin dhe qetësinë publike në këtë ceremoni”, thuhet në komunikatë.

Tutje Policia thotë se oficerët korrektues kanë intervenuar dhe e kanë larguar të dyshuarin e lartcekur nga vendi ku po mbahej ceremonia si dhe disa persona tjerë që ishin bashkë me të, duke i dërguar ata jashtë perimetrit ku gjendeshin zyrtarët policor të Policisë Kosovës të cilët pastaj i kanë arrestuar 5 (pesë) personat e dyshuar.

“Në automjetin e të dyshuarit Sh. K. është gjetur një armë zjarri (pistoletë) të cilën e posedonte pa leje dhe arma është konfiskuar. Të dyshuarit janë intervistuar nga hetuesit në stacionin policor Istog”, thuhet në komunikatë.

Prokurori i shtetit është informuar dhe ka udhëzuar që të hapen rastet: ‘Mbajtje në pronësi, kontroll, posedim i pa autorizuar i armës’ dhe ‘Prishje të Rendit dhe Qetësisë Publike’, ndërsa sipas urdhrit të prokurorit i dyshuari Sh.K. është ndalur në mbajtje për 48 orë, ndërsa 4 (katër) të dyshuarit e tjerë lirohen në procedurë të rregullt.




Pesë të arrestuar pas ceremonisë në Dubravë, Kabashit iu konfiskua një armë

Reklamë

Komentet

Kronikë e zezë

 

Marketingu

Politikë

Ekonomi

Kulturë

Sport

Showbiz

Argëtim